У Беларусі з Новага года ўвядуць абмежаванні, якія закрануць амаль кожнага

• 15.12.2024, 21:13

Змяненні набудуць моц 1 студзеня.

У Беларусі ўладальнікі жывёлін не змогуць хадзіць у месцы грамадскага харчавання з гадаванцамі і павінны будуць адразу прыбірацца за імі. Пра тое, што ў Беларусі набывае моц шэраг навацый у сацыяльнай сферы, якія закрануць усіх беларусаў, распавёў намеснік старшыні «палаты прадстаўнікоў» Вадзім Іпатаў, паведамляе БелТА.

Так, з 1 студзеня 2025-га набудуць законную моц пэўныя палажэнні закона аб адказным абыходжанні з жывёламі, які стане першым, які рэгулюе стасункі, звязаныя з жывёламі-кампаньёнамі ў суверэннай гісторыі Беларусі.

Напрыклад, пачнуць дзейнічаць нормы аб чыпаванні. Пры гэтым адзначаецца, што чыпаванне для ўладальнікаў гадаванцаў застанецца іх правам. Але, калі ўладальнікам жывёлы выступаюць заводчыкі ці гадавальнікі, то яны будуць абавязаныя чыпаваць жывёл да рэалізацыі.

Яшчэ набудуць моц нормы, якія дазволяць выкарыстоўваць жывёл для аховы жыцця і здароўя ўладальніка, яго сваякоў і іх маёмасці. А для барацьбы з валацужнымі жывёламі ўладальнікаў жывёл абавяжуць ужываць захады для недапушчэння з'яўлення непажаданага прыплоду жывёлы.

Акрамя таго, гаспадароў жывёл абавяжуць неадкладна прыбіраць сляды жыццядзейнасці за сваімі гадаванцамі пры знаходжанні ў месцы, якое не з'яўляецца месцам яго сталага знаходжання. У гэтым выпадку выключэнне прадугледжанае толькі для сабак-павадыроў.

Яшчэ ў Беларусі забароняць прадаваць сабак, догляд якіх патрабуе асаблівай адказнасці ўладальніка, і небяспечных сабак асобам, якія не дасягнулі 18 гадоў.

Што да выгулу жывёлы, то ён павінен будзе ажыццяўляецца ўладальнікам з умовай гарантавання бяспекі іншых людзей, жывёл і захаванасці чужой маёмасці.

Акрамя таго, уладальнікам жывёл у Беларусі забароняць прыводзіць або прыносіць жывёл-кампаньёнаў, калі гэта не сабакі-павадыры, у гандлёвыя аб'екты, дзе прадаюць прадукты харчавання, аб'екты грамадскага харчавання.

Таксама законам прадугледжаныя выпадкі, калі чалавека могуць абмежаваць у праве ўласнасці або зусім пазбавіць яго ў дачыненні да жывёлы.