У Чорным моры тоне яшчэ адно расейскае судна

• 15.12.2024, 17:53

Трэцяя катастрофа за дзень.

Ля берагоў часова акупаванай Ялты церпіць бедства расейскае судна з кранам, прызначанае для ўздыму цяжкіх грузаў.

Пра гэта ў нядзелю, 15 лістапада, паведамілі ў Telegram-пабліку "Крымскі вецер", публікуючы таксама кадры ад відавочцы здарэння.

«Плывучы кран ля берагоў Ялты церпіць бедства», - пракаментавалі ў пабліку апублікаванае відэа, на якім страла на судне пераломваецца і асоўваецца ў моры.

У акупаваным Крыме з 10 снежня было абвешчана штармавое папярэджанне. Чакаліся моцныя дажджы, якія пераходзілі ў снег, а таксама зніжэнне тэмпературы.

Раней 15 снежня стала вядома, што ў Керчанскім праліве тонуць адразу два расейскія танкеры «Валганафта-212» і «Валганафта-239».