Навукоўцы распавялі, якая гірлянда дапаможа лепш спаць

• 15.12.2024, 18:37

Лепш выкарыстоўваць цёплае святло.

На думку псіхолага і спецыялісткі сну з ЗША Кэтрын Хол, халоднае святло ад гірлянд і інтэнсіўнае іх мігценне змяншае выпрацоўку мелатаніна - гармона, які рэгулюе цыркадныя рытмы. Пра гэта паведамляе выданне New York Post (NYP).

Спецыялістка падкрэслівае, што сіняе святло, якое выпраменьваецца гірляндамі і электроннымі прыладамі, асабліва шкоднае для якасці сну. Яно валодае кароткай даўжынёй хвалі і высокай энэргіяй, што падвышае пільнасць. Удзень такое святло можа быць карыснае, але ўвечары яго ўздзеянне замінае падрыхтоўцы арганізма да сну. Каб мінімізаваць негатыўны ўплыў, Хол рэкамендуе выключаць гірлянду за дзве-тры гадзіны да адыходу да сну.

Таксама псіхолаг рэкамендуе выкарыстоўваць гірлянды з цёплым святлом, такім як чырвоны ці белы з жоўтым адценнем. Такое светлавое ўздзеянне не выклікае збояў у выпрацоўцы мелатаніна і дапамагае настроіцца на сон.

Хол дадала, што мігцення гірлянд таксама варта пазбягаць, бо пульсуючае святло спрыяе стымуляцыю ўспрымання, абцяжарваючы раслабленне перад сном.