Польскі візавы цэнтр расказаў, каму анулююць запіс на падачу візы

• 15.12.2024, 18:49

Афіцыйная заява.

Візавы цэнтр Польшчы патлумачыў, у якіх выпадках чалавеку могуць ануляваць запіс на падачу дакументаў пасля званка супрацоўнікаў ВЦ. Інфармацыя аб гэтым з'явілася на сайце арганізацыі.

«Выкарыстанне аднаго нумара тэлефона і адраса электроннай пошты для некалькіх паўналетніх заяўнікаў дапушчальна выключна ў выпадках рэгістрацыі сям'і (групавая рэгістрацыя). Пры індывідуальнай рэгістрацыі кожнага паўналетняга заяўніка неабходна ўказаць кантактныя звесткі таго чалавека, рэгістрацыя на падачу дакументаў якога ажыццяўляецца. У выпадку рэгістрацыі непаўналетніх дзяцей бацькамі неабходна ўказаць кантактны нумар тэлефона аднаго з бацькоў, які ажыццяўляе рэгістрацыю», — гаворыцца ў заяве.

Запіс будзе ануляваны ў выпадку, калі:

а) кантактны нумар тэлефона пазначаны няправільна

б) здзейснены 3 няўдалыя спробы звязацца з заяўнікам

в) падчас званка заяўнікам не пацверджаны лічбавы код, дасланы на адрас электроннай пошты заяўніка

г) выяўлены іншыя неадпаведнасці