ПАР адмовілася запрашаць Пуціна на саміт G20

• 15.12.2024, 21:36

Прычына - ордэр МКС.

Пуцін не атрымае запрашэння на саміт "Вялікай дваццаткі" (G20) ад Паўднёва-Афрыканскай Рэспублікі (ПАР), якая павінна прыняць мерапрыемства ў сябе, бо старшынюе ў гэтым глабальным аб'яднанні з 1 снежня. Прычынай з'яўляецца ордар Міжнароднага крымінальнага суда ў Гаазе, які патрабуе арыштаваць Пуціна праз гвалтоўную дэпартацыю ўкраінскіх дзяцей, што кваліфікуецца як вайсковае злачынства, паведаміў ТАСС афіцыйны прадстаўнік прэзідэнта ПАР Вінцэнт Магвенья.

"Прававая сітуацыя не змянілася з саміту БРІКС у Ёханэсбургу. Мы ніяк не можам паўплываць на пастанову МКС", - сказаў ён, адказваючы на ​​пытанне, ці плануе ПАР запрашаць расейскага прэзідэнта на саміт G20. Рэспубліка ратыфікавала Рымскі статут, на аснове якога працуе МКС, і абавязана арыштаваць Пуціна, калі той з'явіцца на яе тэрыторыі.

Паводле папярэдняй дамоўленасці, саміт "Вялікай дваццаткі" пройдзе ў Ёханэсбургу 21-22 лістапада 2025 года.