«Выбухі грымелі ўсю ноч»: СБУ накрыла расейскія склады ў Данецкай вобласці

• 16.12.2024, 11:12

На складах знаходзіліся тысячы боепрыпасаў.

Служба бяспекі Украіны з дапамогай дронаў днямі ажыццявіла атаку на артылерыйскія і мінамётныя склады каля вёскі Маркіна на часова акупаванай тэрыторыі Данецкай вобласці.

З інфармацыі крыніцы выдання NV, на складах знаходзіліся тысячы боепрыпасаў для БМП, танкаў, супрацьтанкавыя кіраваныя ракеты, міны, гранаты і мільёны патронаў рознага калібру.

У выніку спецаперацыі Службы бяспекі на варожым аб'екце ўсю ноч раздаваліся выбухі. Быў знішчаны не толькі склад з боепрыпасамі, а таксама і склад паліўна-змазачных матэрыялаў, які знаходзіўся побач.

Адзначым, што ўночы 12 снежня ў пасёлку Маркіна Новаазоўскага раёна прагрымелі выбухі, а былы дарадца гарадскога кіраўніка Марыюпаля Пётр Андрушчанка паведаміў аб удары па складзе з боекамплектам.