У Гародні ў краме ў скрыні з садавіной знайшлі яшчарку

• 17.12.2024, 14:53

У мясцовым заапарку здзівіліся, калі ім патэлефанавалі.

Некалькі дзён таму ў Гарадзенскі заапарк звярнуліся супрацоўнікі адной з гарадзенскіх крам. Іх цікавіла: ці не маглі б там забраць... яшчарку.

Высветлілася, што ў каробцы з хурмай прадаўцы, нечакана для сябе, убачылі маленькую рэптылію. Магчыма, яна прыбыла ў Беларусь з партыяй садавіны і хавалася сярод пладоў, пакуль не была знойдзена ўважлівымі працаўнікамі крамы, піша Newgordno.by.

Яшчарку, вядома ж, прытулілі. Турыстам быў міжземнаморскі хатні гекан, якога пасялілі ў павільёне «тэрарыум».

Гекончык даволі хутка адаптаваўся на новым месцы. Цяпер ён адчувае сябе добра, з задавальненнем ласуецца рознымі смачнымі кузуркамі і нават паспеў паліняць.