Падрыў расейскага генерала ў Маскве: з'явілася новае відэа спецаперацыі

• 17.12.2024, 22:26

І больш дэталёвыя звесткі пра ліквідаванага памагатага.

З'явіліся новыя ўнікальныя кадры сённяшняй спецаперацыі Службы бяспекі Украіны (СБУ) падчас якой быў ліквідаваны начальнік войскаў радыяцыйнай і хімічнай абароны Расеі Ігар Кірылаў.

Аб гэтым РБК-Украіна паведамілі ўласныя крыніцы.

На відэазапісе бачна, як генерал Кірылаў разам з памочнікам выходзяць з будынка. Непадалёка ад іх размешчаны электрасамакат, які стаў ключавым элементам аперацыі.

Кім быў памочнік Кірылава

Разам з генералам, як і згадвалася вышэй, загінуў і ягоны памагаты - вайсковец Ілля Палікарпаў. Апошні супрацоўнічаў з прапагандыстамі і перадаваў забеспячэнне акупантам на фронт.