Аўтобус МАЗ згарэў у Санкт-Пецярбургу

• 18.12.2024, 11:58

Ён гарэў адкрытым полымем.

Раніцай на поўдні Пецярбурга загарэўся аўтобус. Вялізныя слупы дыму зафіксавалі сведкі, піша «Фантанка».

У МНС зрабілі справаздачу, што пажар патушылі а 10.06. "18 снежня а 09:50 паступіла паведамленне аб пажары на адрасе: Кіраўскі раён, Ленінскі праспект, каля дома 135. У аўтобусе адбывалася гарэнне па ўсёй плошчы", - паведамілі ратавальнікі, дадаўшы, што паведамленняў аб пацярпелых не паступала.

У тушэнні агню бралі ўдзел два пажарныя разлікі і 10 чалавек асабовага складу.