Мядзведзеў зладзіў істэрыку праз ліквідацыю генерала Кірылава

• 18.12.2024, 15:41

Не вытрымаў публікацыі ў The Times.

Намеснік сакратара Савета бяспекі Расеі Дзмітрый Мядзведзеў выліўся пагрозамі пасля ліквідацыі начальніка войскаў радыяцыйнай, хімічнай і біялагічнай абароны УС РФ генерал-лейтэнанта Ігара Кірылава.

Ён адрэагаваў на артыкул The Times, у якім забойства назвалі "законным актам абароны".

Мядзведзеў таксама звярнуўся з пагрозамі да журналістаў брытанскага выдання The Times, напісаўшы на англійскай "be careful" ("будзьце асцярожныя") і заявіў, што ў Лондане "шмат што здараецца".