У Беларусі будзе галалёдзіца

• 18.12.2024, 16:15

У краіну ідуць дажджы і мокры снег.

У чацвер, 19 снежня, уначы і раніцай у Беларусі чакаюцца снег і мокры снег, які будзе пераходзіць у дождж. У дзённы час дажджы пройдуць амаль па ўсёй краіне. Сіноптыкі папярэджваюць аб галалёдзе і галалёдзіцы.

Уначы тэмпература паветра складзе ад -8 на ўсходзе да +5 градусаў на захадзе (у Менску - ад -1 да +1), удзень - 2-7 цяпла (на захадзе - да +9, у сталіцы - ад +4 да +6).

У пятніцу прадоўжацца дажджы, магчымы і мокры снег. Цягам дня прагназуецца 1-7 градусаў цяпла. У суботу ўжо будзе ад -3 да +3, ападкі чакаюцца толькі месцамі.