Трамп з'явіўся на публіцы з новай фрызурай

• 18.12.2024, 19:05

Відэафакт.

Абраны прэзідэнт ЗША Дональд Трамп быў заўважаны з новай прычоскай у сваім гольф-клубе ў Фларыдзе, паведаміў Newsweek.

Кароткі відэаролік, на якім паказаны палітык з абноўленай прычоскай, выклаў у сацыяльную сетку X яго прыхільнік. Трамп праходзіць побач з мінакамі, махае ім рукой і пытаецца: «Ці ўсе рэспубліканцы?»

На відэа валасы Трампа выглядаюць карацейшымі, чым звычайна, і гэты факт выклікаў актыўныя дыскусіі ў інтэрнэце. Няясна, ці была змена іміджу наўмысным крокам ці палітык проста на час перастаў рабіць ранейшую прычоску.

Аўтары Newsweek адзначылі, што ранейшая стрыжка абранага прэзідэнта была «ключавым элементам яго публічнай персоны і брэнда цягам дзесяцігоддзяў».

Трамп заўсёды беражліва ставіўся да сваіх валасоў. «Усе ведаюць, хаця ненавіснікі адмаўляюцца гэта прызнаваць: я не нашу парыкі. Мае валасы могуць быць неідэальнымі, але яны мае», - пісаў ён у 2013 годзе ў сетцы X (тады яшчэ Twitter).