Вядомы расейскі прапагандыст выказаў сумневы ў псіхічным здароўі лукашыстаў

• 19.12.2024, 9:02

Праз рэакцыю на ліквідацыю генерала Кірылава.

У расейскім канале Alex Parker Returns на 250 тысяч падпісчыкаў з'явіўся відэафрагмент з апошняга выпуску "Тайныя спружыны палітыкі". Канал б'е трывогу аб стане беларускіх "хаўруснікаў".

У цытаваным фрагменце Азаронак смуткуе па забітым у Маскве генерал-лейтэнанце Ігару Кірылаву і заклікае нябесныя кары на галовы тых, хто з гэтай нагоды радуецца:

“Генерал - ён застаўся жывы. І абрыне з нябёсаў на вас хімічную зброю…”, - кажа Азаронак.

Каментар Alex Parker Returns да гэтай прамовы кароткі:

"Навіны псіхіятрыі з Беларусі".