«Процьма выбухаў і гукі ракет»: атака на найбуйнейшы НПЗ на поўдні РФ доўжылася амаль гадзіну

• 19.12.2024, 10:05

УСУ знішчылі каштоўны кампанент прадпрыемства ў Новашахцінску.

УСУ атакавалі ў Новашахцінску мясцовы НПЗ.

Экспэрты кажуць, што ўстаноўка першаснай перагонкі нафты - самы каштоўны і цяжказаменны кампанент НПЗ.

Сама ж атака пачалася ўночы 19 снежня 2024 года. Спачатку ракетамі быў атакаваны "Камбінат "Каменскі", які вырабляе набоі для РСЗА і паліва для балістычных ракет, а ўжо ўночы 19 снежня і чарговы НПЗ.

Варта адзначыць, што ў сакавіку і чэрвені 2024 года УСУ ўжо атакавалі НПЗ у Новашахцінску. Тады завод некаторы час прыпыніў сваю працу.

Усяго ж па гэтым заводзе УСУ з 2022 года нанеслі чатыры ўдары і тры з іх прыпалі на гэты год.

У Сеціве з'явілася ўжо вельмі шмат кадраў як самой атакі, так і яе наступстваў у выглядзе магутнага пажару на тэрыторыі НПЗ.

Мясцовыя жыхары паведамляюць аб гуках працы СПА, аўтаматных чэргах і выбухах. Некаторыя расейскія паблікі пішуць, што атака доўжылася больш за 40 хвілін.

Расейскія СМІ пішуць, што завод атакавалі як беспілотнікі, так і ракеты.

Губернатар Растоўскай вобласці Юрый Слюсар пацвердзіў пажары на тэрыторыі НПЗ у выніку атакі дронаў.

Журналісты агенцтва Reuters заявілі, што з лістапада 2024 г. завод працуе толькі на палову сваіх магутнасцяў. Таксама яшчэ ўлетку МА РФ прыняло пастанову нацягнуць над галоўнымі аб'ектамі НПЗ антыдронавыя сеткі. Аднак, мяркуючы з сённяшніх ролікаў з Новашахцінска, яны не моцна дапамаглі.

Вядома, што кожны год Новашахцінскі НПЗ вырабляе да 5 млн тон прадукцыі. Сам жа завод з'яўляецца найбуйнейшым пастаўшчыком нафты на поўдні РФ.