«Юта» Калячонка ў овэртайме падолела «Ванкувер»

• 19.12.2024, 11:30

Беларускі абаронца выканаў 2 кідкі.

"Юта" ў хатнім матчы ўзяла верх над "Ванкуверам" - 3:2 АД (0:0, 0:1, 2:1, 1:0) у рэгулярным чэмпіянаце НХЛ, піша hockey.by.

Беларускі абаронца “Юты” Уладзіслаў Калячонак правёў на лёдзе 11:01 (16 змен), выканаў 2 кідкі (1 міма), здзейсніў 4 страты, заблакаваў 1 кідок супраціўніка і скончыў матч з паказчыкам карыснасці “0”.

У 16 матчах цяперашняга чэмпіянату НХЛ на рахунку Калячонка 5 (2+3) балоў пры 2 хвілінах штрафу і паказчыку карыснасці "-5".

За некалькі секунд да заканчэння дадатковага часу расейскі абаронца "Юты" Міхаіл Сергачоў падключыўся да атакі і здолеў перамагчы галкіпера гасцей, аформіўшы валявую перамогу.