МЗС Польшчы ўручыла ноту часоваму паверанаму Беларусі

• 19.12.2024, 14:05

У сувязі з дзеяннямі КДБ у дачыненні да польскіх дыпламатаў.

Міністэрства замежных спраў Польшчы выклікала часовага паверанага ў справах Беларусі Аляксея Панкратэнку "ў сувязі з агрэсіўнымі дзеяннямі беларускага КДБ у дачыненні да дыпламатаў Рэспублікі Польшча на тэрыторыі Рэспублікі Беларусь, а таксама трэціх краін".

Аб гэтым гаворыцца ў афіцыйным паведамленні на сайце МЗС Польшчы.

Яшчэ адной падставай для выкліку стала нота МЗС Беларусі, уручаная прадстаўніку Польшчы ў Менску 11 снежня.

"Падчас сустрэчы беларускаму дыпламату была ўручаная нота, у якой выказваецца пратэст супраць вышэйзгаданых дзеянняў, а таксама было паведамлена, што працяг такога кшталту правакацыі сустрэне сіметрычны адказ з польскага боку", — гаворыцца ў паведамленні.

Нагадаем, на мінулым тыдні па беларускай тэлевізіі быў паказаны фільм пра спробу вярбоўкі беларускага дыпламата польскімі спецслужбамі ў Кішынёве, якая нібыта мела месца ў Кішынёве. 11 снежня часовы пачасовы ў справах Польшчы ў Беларусі Кшыштаф Ажанна быў выкліканы ў МЗС, дзе яму была ўручаная нота.