На вышках пад Крымам расейцаў чакаюць «сюрпрызы»

• 19.12.2024, 15:36

Камандзір ВМС Украіны заінтрыгаваў намёкам на працяг аперацыі.

Аперацыя на газаздабыўных платформах каля Крыма будзе прадоўжаная. Вышкі ў Чорным моры з'яўляюцца важным пунктам назірання для акупантаў.

Пра гэта заявіў камандзір Ваенна-марскіх сіл Украіны, віцэ-адмірал Аляксей Неіжпапа ў інтэрв'ю АрміяInform.

Ён адзначыў, што атаку на вышкі старанна рыхтавалі, аперацыя будзе прадоўжаная.

“Мы не можам дазваляць суперніку мець дасведчанасць на моры, не можам дазволіць сачыць за нашымі цывільнымі ці вайсковымі караблямі і наогул разумець абстаноўку”, - сказаў Неіжпапа.

Паводле ягоных слоў, удары па вышках наносіліся не толькі марскімі дронамі, але і іншымі відамі ўзбраення.

“Нам вядома, што вораг там пакінуў вайскоўцаў спецыяльнага прызначэння, але яны абмежаваныя лагістычна, таму маюць забеспячэнне толькі паветраным шляхам з залучэннем гелікаптэраў. Мы і надалей будзем працаваць па такіх вышках”, - падкрэсліў камандзір ВМС.