УСУ ўдарылі з HIMARS па ўрачыстым шыхтаванні расейскіх дэсантнікаў

• 2.12.2024, 8:03

Накрыты камандны пункт у Курскай вобласці.

УСУ паспяхова атакавалі камандны пункт 83-й асобнай дэсантна-штурмавой брыгады ПДВ РФ на Куршчыне, нанёсшы ворагу вялікія страты ў жывой сіле. Удар быў нанесены 30 лістапада з РСЗА HIMARS.

Пра гэта піша Telegram-канал «Дасье шпіёна».

У выніку гэтай атакі 12 расейскіх вайскоўцаў, у тым ліку чацвёра афіцэраў, былі ліквідаваныя, яшчэ 25 атрымалі раны.

У паведамленні ўдакладняецца, што ўдар быў нанесены падчас урачыстага шыхтавання з нагоды гадавіны ўтварэння брыгады.