У Польшчы пашкоджаны нафтаправод «Дружба»

• 2.12.2024, 9:29

Магчыма, гэта дыверсія.

Пад Пнэвамі ў Польшчы адбыўся выцек з трубаправода «Дружба», паведамляе польскі тэлеканал TVN24 са спасылкай на пажарную службу. Аварыя адбылася яшчэ ў нядзелю, 1 снежня, пагрозы ўзгарання або выбуху няма, але на нацыянальнай дарозе № 92 увялі папераменны рух, адзначылі пажарныя.

Польскі аператар нафтаправода PERN не выключае ніякіх версій пашкоджання трубаправода-ад дыверсіі да чыста тэхнічных прычын.

Заходні ўчастак трубаправода «Дружба» звязвае сыравінную базу каля Плоцка з НПЗ у нямецкім Шведце. У PERN пацвердзілі, што, нягледзячы на аварыю, працягваюць забяспечваць сыравінай нафтаперапрацоўчы завод у Шведце.