Чаму беларусаў пазбавілі тыдня выходных у студзені

• 2.12.2024, 9:36

Узяўся адказваць Галоўчанка.

Урад не зрабіў 3 студзеня выходным днём, тым самым пазбавіўшы беларусаў тыдня навагодніх вакацый, бо цяпер «мы не ў тых умовах». Пра гэта распавёў у інтэрв'ю дзяржтэлеканалу прэм'ер-міністр Раман Галоўчанка.

- Я гэта як нейкую праблему наогул не разглядаю. Усё ж такі тыдзень - гэта практычна поўнае расхалоджванне або замарозка эканомікі. Мы цяпер не ў тых умовах, каб дазволіць сабе такія доўгія вакацыі. Хоць зноў жа, кожнае прадпрыемства мае права прыняць пастанову, якая больш пасуе для іх вытворчых мэтаў, — сказаў кіраўнік урада.

Галоўчанка дадаў, што калі прадпрыемства працуе ў «гарачым рытме, яму трэба, дапусцім, спачатку спыніць, а потым на адзін дзень запусціць абсталяванне, ну, напэўна, гэта не вельмі эканамічна эфектыўна».