Візавы цэнтр Гішпаніі ў Менску змяніў умовы падачы дакументаў

• 2.12.2024, 10:41

Новаўвядзенні выклікалі спрэчкі.

Візавы цэнтр Гішпаніі ў Менску следам за расейскім офісам увёў фотаідэнтыфікацыю пры запісе на падачу дакументаў. Пра гэта паведаміў тэлеграм-канал «Візавы крот», які адсочвае візавыя змены.

Удакладняецца, што новаўвядзенне прыдумалі, каб змагацца з «памочнікамі», якія на падставе спрыяння ў атрыманні віз займаюць даступныя даты на падачу дакументаў.

Як адзначыў «Візавы крот», пасля ўваходжання ў дзеянне змяненняў у Менску 27 лістапада даты на падачу «віселі» ў вольным доступе даволі доўга.

«Даты на падачу ў Маскоўскім візавым цэнтры ёсць літаральна «на заўтра», - адзначыў «Візавы крот».

У каментарах да допіса карыстальнікі скардзяцца, што не ўсім атрымліваецца прайсці фотаідэнтыфікацыю.

«Загружалі новыя фота, падыходзілі да манітора бліжэй, далей — вынік адзін: вы не прайшлі тэст», — паскардзіўся адзін з падпісчыкаў.

Іншыя выказваюць меркаванне, што фотаідэнтыфікацыя — парушэнне заканадаўства аб абароне персанальных звестак.

«У вас ёсць думкі, як пазбавіць Беларусь ад дапамогі на 100%? Я не ў тэме, мне цяжка ўявіць, што можна зрабіць. І з боку абывацеля, калі відэакантроль дапаможа, то хай будзе нават з рызыкай выцеку звестак», — напісаў адзін з карыстальнікаў.