Нацбанк Беларусі падоўжыў час працы кас для абмену старых банкнот

• 2.12.2024, 12:15

Але толькі для купюр узору 2000 года.

Нацыянальны банк Беларусі на перыяд з 2 да 30 снежня падоўжыў час працы кас у сваім цэнтральным апараце (Менск, вуліца Талстога, 6). Але гэта толькі для абмену банкнот узору 2000 года.

Так, зрабіць гэта ў снежні можна будзе з 8: 30 да 19: 00. У Нацбанку падкрэслілі, што ўсе астатнія аперацыі ў гэты перыяд будуць праводзіць паводле звычайнага графіку: з панядзелка да чацвярга — з 8:30 да 15:30, пятніцамі і 24 снежня (перадсвяточны дзень) — з 8:30 да 14:30.

Рэгулятар нагадаў, што 31 снежня 2024 года закончыцца перыяд, калі старыя банкноты можна абмяняць на новыя. Абмен вырабляюць у прапорцыі 10 000: 1. Да прыкладу, 100 беларускіх рублёў узору 2000 года абмяняюць на 1 капейку ўзору 2009-га, а 50 тысяч старых — на 5 новых.

У Нацбанку таксама паведамілі, што з 1 студзеня 2025 года банкноты наміналамі 100, 500, 1000, 5000, 10 000, 20 000, 50 000, 100 000, 200 000 беларускіх рублёў узору 2000 года будуць лічыцца несапраўднымі.