За «здраду дзяржаве» судзяць супрацоўніка новастворанага Дэпартамента крымінальнай выведкі

• 2.12.2024, 15:22

Дэпартамент падаў пазоў за прычыненне маёмаснай шкоды.

У Менскім гарадскім судзе 19 снежня пачнуць разглядаць справу супраць 35-гадовага Аляксандра Кудрэвіча, якога абвінавачваюць паводле ч.3 арт. 361-1 КК (удзел у экстрэмісцкім фармаванні) і ч. 2 арт. 356 КК (Здрада дзяржаве, учыненая службовай асобай, якая займае адказнае становішча, або асобай, на якую распаўсюджваецца статус вайскоўца).

Справу будзе разглядаць Любоў Сімахіна, піша «Вясна».

Магчыма, ён працаваў у Дэпартаменце крымінальнай выведкі, які падаў супраць Аляксандра пазоў за прычыненне маёмаснай шкоды.

Аляксандра затрымалі, як мяркуецца, у студзені. Паводле інфармацыі ў яго сацсетках, мужчына жанаты, у 2014 годзе скончыў БДУІР.