Ва ўсіх беларускіх таксоўках усталююць схаваныя камеры

• 2.12.2024, 18:55

Гэта стане абавязковым.

У салоне таксі ў Менску заўважылі шыльду папераджальную, што вядзецца відэаназіранне. Гэта патрабаванне рэестра-растлумачыў «Смартпресс» таксіст Іван.

Ён удакладніў, што опцыя ўведзеная для бяспекі кіроўцаў і пасажыраў. Запісы камер захоўваюцца год.

Аднак кіроўца не расказаў, дзе менавіта знаходзіцца камера. Выявіць яе пры візуальным аглядзе салона не ўдалося.

Нагадаем, з 1 лістапада ў Беларусі змяніліся ўмовы працы сэрвісаў таксі. Усе кіроўцы і аўто павінны быць зарэгістраваныя ў рэестры аўтамабільных перавозак пасажыраў у нерэгулярных злучэннях. Без гэтага працаваць нельга.

У Мінтрансе мяркуюць, што рэестр дапаможа «абмежаваць прысутнасць на рынку перавозак пасажыраў нядобрасумленных перавозчыкаў і дыспетчараў».

Фактычна пасажыры атрымалі толькі падвышаныя цэны на паездкі і павялічаны час чакання аўто.