У Беларусі забаранілі прадаваць папулярную расейскую таматную пасту

• 2.12.2024, 16:00

Яна не можа быць ідэнтыфікаваная як прадукт, за які выдаецца.

Дзяржстандарт забараніў прадаваць у Беларусі таматную пасту расейскага брэнда «Дзядзька Ваня». Яе ўнеслі ў спіс небяспечнай прадукцыі.

Адзначаецца, што таматную пасту вырабляе Кансервавы камбінат Ахтуба ў Валгаградскай вобласці РФ.

У складзе прадукту эксперты выявілі недапушчальную харчовую дабаўку - кансервант дыяксід серы (Е220). Таксама ў Дзяржстандарце дадалі, што вытворца наўмысна надаў прадукту вонкавы выгляд, а таксама асобныя ўласцівасці таматнай пасты, «але пры гэтым яна не можа быць ідэнтыфікаваная як таматная паста, за якую выдаецца».

Забарона на ўвоз і рэалізацыю пачне дзейнічаць з 3 снежня.