Баксёры Ф'юры і Вусік падзеляць $190 млн прызавых за бой-рэванш

• 2.12.2024, 20:16

Бой пройдзе 21 снежня ў саудаўскім Эр-Рыядзе.

Сталі вядомыя ганарары, якія атрымаюць брытанец Тайсан Ф'юры і ўкраінец Аляксандр Вусік за бой-рэванш.

Ён пройдзе 21 снежня ў саудаўскім Эр-Рыядзе. Баксёры будуць змагацца за званне абсалютнага чэмпіёна свету ў суперцяжкай вазе.

Так, паводле інфармацыі talkSPORT, Ф’юры і Вусік падзеляць паміж сабой $190 млн. Прычым грошы баксёры атрымаюць не пароўну.

Украінцу як дзейнаму ўладальніку чэмпіёнскага пояса дастануцца $114 млн. Тайсан Ф'юры атрымае астатнія $76 млн.

Такая самая сітуацыя была і ў першым баі, які адбыўся 18 траўня ў тым жа Эр-Рыядзе. Спартоўцы падзялілі $150 млн. Ф'юры саступіў, але яму дасталася $110 млн прызавых, а Вусіку – толькі $40 млн.

Такім чынам, незалежна ад выніку рэваншу, Ф'юры ў выніку ўсяго за два баі атрымае $186 млн. Вусік гарантавана стане багацейшым на $154 млн.