У цэнтры Менска таксіст пратараніў некалькі машынаў

• 2.12.2024, 20:46

Кіроўца падчас руху страціў прытомнасць.

Паводле папярэдняй інфармацыі, сёння блізу 16:40 49-гадовы кіроўца аўтамабіля Volkswagen сэрвісу «Яндэкс Таксі», рухаючыся па праспекце Незалежнасці, паблізу дома №6 сутыкнуўся з аўтамабілем «Kia», які рухаўся ў спадарожным кірунку, і двума аўтамабілямі Volvo, якія рухаліся ў сустрэчным кірунку.

Як мяркуецца, кіроўца падчас руху страціў прытомнасць.

У выніку 37-гадовая пасажырка аўтамабіля Volkswagen дастаўленая ў лякарню для абследавання.