У Беларусі затрымалі стэндапера і вядоўцу Сцяпана Манкевіча

• 20.12.2024, 10:35

Яго будуць судзіць за пратэсты.

У судзе Савецкага раёна Менска 26 снежня пачнуць судзіць 33-гадовага шоўмэна Сцяпана Манкевіча, піша «Наша Ніва».

Яму інкрымінуецца артыкул 342 Крымінальнага кодэкса (Актыўны ўдзел у дзеяннях, якія парушаюць грамадскі парадак).

Сцяпан Манкевіч - беларускі комік. Ён адвучыўся на псіхолага ў Беларускім дзяржаўным педагагічным універсітэце, працаваў вядоўцам на "Радыус FM". Апошнія гады ён быў вядомы як стэндапэр і вядоўца святочных мерапрыемстваў.