Беларус Саша Гойшык здзейсніў падарожжа вакол свету

• 21.12.2024, 13:46

Блогер і журналіст вярнуўся ў пункт старту ў польскім Уроцлаве.

Падарожжа вакол свету беларускага журналіста і блогера Сашы Гойшыка, якое доўжылася больш за тры гады, падышло да канца. Пра гэта падарожнік напісаў на сваёй старонцы ў Фэйсбуку, паведамляе «Еўрарадыё».

– Цяпер гэта афіцыйна: маё вялікае падарожжа вакол свету скончылася, – піша Саша. – 3 гады, 2 месяцы, 1 тыдзень у дарозе. Усяго 51 краіна. Гэтае вельмі дзіўнае пачуццё, нават не верыцца, што са мной такое здарылася. Я зрабіў гэта!

Цяпер я зноў – у пункце старту ў выдатным Уроцлаве.