Лукашэнка ў пошуках запаснога аэрадрома

• 21.12.2024, 22:55

Але ў самалётах сямейства знойдзецца месца не для ўсіх.

Тэлеграм-канал «Нік і Майк» піша пра блізкаўсходняе турнэ састарэлага беларускага дыктатара:

- Турнэ ў пошуках запаснога аэрадрома для сямейства Лукашэнкі і гавані для грошай праходзіць дастаткова паспяхова для аграфюрэра.

Аман гатовы прыняць на супакой у выпадку вялікага шухера. Эміраты пакуль пацвярджаюць гатоўнасць захаваць сямейны абшчак за ўмераную плату.

У гэтым усім, аднак, ёсць хмаркі для найбліжэйшага атачэння. У тонкія тэмы асабістага выжывання і выратавання дабрабыту не ўваходзіць нават блізкае кола. Для ўсякіх бравых дэгенералаў, міністраў і губернатараў проста няма месца на самалётах сямейства. Няма нават месца пры абмеркаванні гэтых тэм. У гэтым плане Лукашэнка нічым не адрозніваецца ад сябра Башара.

Пытанне як даляцець да запаснога аэрадрома, пакуль застаецца адкрытым. Палёты над тэрыторыяй Расеі не з'яўляюцца самым бяспечным маршрутам.