Зяленскі назваў цэлі ў РФ, якія будуць атакаваныя

• 21.12.2024, 20:38

Ва УСУ з'явілася шмат украінскай зброі.

Прэзідэнт Украіны Уладзімір Зяленскі пракаментаваў траплянне расейскіх бомбаў у анкадыспансер у Херсоне, дзе ў той час праходзілі лячэнне анкахворыя херсонцы. Зяленскі назваў гэты ўдар «мэтанакіраваным» і «здзекам з людзей», бо толькі тут хворыя людзі маглі атрымаць радыетэрапеўтычнае лячэнне.

«Расейцы не маглі не ведаць, што гэта менавіта медыцынская ўстанова, і вельмі каштоўная для херсонцаў. І гэты мэтанакіраваны ўдар з'яўляецца не чым іншым, як здзекам з людзей», - адзначыў Зяленскі.

Ён дадаў, што УСУ прадоўжаць наносіць удары па расейскіх вайсковых аб'ектах - дронамі і ракетамі.

«І ўсё больш украінскімі, па менавіта тых вайсковых базах, па менавіта той расейскай вайсковай інфраструктуры, якая выкарыстоўваецца ў такім тэроры супраць нашых людзей. Наша абарона абсалютна справядлівая», - растлумачыў прэзідэнт Украіны.