Эль Мюрыд: Ад удару па «Сталёвым Кані» сур'ёзна пацярпіць і Лукашэнка

• 22.12.2024, 19:35

УСУ правялі вельмі няпростую аперацыю.

Мінулай ноччу ў Арлоўскай вобласці Расеі ўжо пад другі па ліку ўдар трапіла нафтабаза «Сталёвы Конь». Гэты аб'ект надзвычай важны для экспарту энэргарэсурсаў. Пра гэта ў сваім блогу ў Telegram піша расейскі аглядальнік, аналітык Анатоль Нясміян (Эль Мюрыд).

Большасць грамадзян Расеі нічога не ведаюць аб нафтабазе «Сталёвы Конь», у сувязі з чым інфармацыю аб паспяховай удары па ім прапусцілі міма вушэй.

Аднак насамрэч гэта вельмі важны для эканомікі РФ аб'ект.

Ён з'яўляецца вымяральнай станцыяй нафтаправода «Дружба», па якім расейская нафта паступае ў Еўропу.

Наступствы ўдару пакуль невядомыя. Мясцовыя ўлады пацвердзілі толькі тое, што на аб'екце пасля прылёту дронаў успыхнуў моцны пажар. Калі робаты пашкодзілі помпавае абсталяванне, рамонт зацягнецца надоўга.

А гэта значыць, што еўрапейскі экспарт для РФ абрынецца. Пацярпіць сур'ёзна і беларускі рэжым як транзіцёр.

«Людзі, якія выбіраюць цэлі для ўдараў, робяць гэта зусім не хаатычна, а з поўным разуменнем важнасці таго ці іншага аб'екта. На нашай тэрыторыі такіх незаўважных, але крытычна значных аб'ектаў - воз і каляска. Чым думала расейскае кіраўніцтва, калі планавала свой пераможны «дранг нах вэст» (вайну супраць Украіны - рэд.), так і застаецца загадкай. Абараніць усе гэтыя аб'екты – ніякага войска не выстарчыць», - напісаў расейскі эксперт.