Як мінімум шэсць расейскіх «Шахедаў» зайшлі ў Беларусь

• 22.12.2024, 14:23

Адзін з іх праляцеў 170 км па поўдні краіны.

За апошнія 24 гадзіны зафіксаваныя мінімум шэсць заходаў расейскіх дронаў-камікадзэ кшталту «Шахед» у Беларусь з Украіны, паведамляе «Еўрарадыё» са спасылкай на «Беларускі Гаюн».

Першы заход быў зафіксаваны а 14:23, калі робат заляцеў на Камарын і далей выйшаў на Прыпяць. Далейшыя заходы былі зафіксаваныя а 15:05, 20:58, 01:03 (два дроны) і 07:31.

«Шахед», які заляцеў а 15:05 праз Асарэвічы, праляцеў па поўдні Беларусі больш за 170 км і выйшаў назад ва Украіну ля Мілашэвічаў (Лельчыцкі раён). Яшчэ адзін робат, які зайшоў а 20:58 праз Камарын, таксама пайшоў на захад па мяжы, курсам на Ельск, дзе знік з моманту апошняй фіксацыі а 21:30.

Дзяжурная авіяцыя ВПС Беларусі не ўзнімалася.