Вусік прысвяціў перамогу над Ф'юры ўсім матулям Украіны

• 22.12.2024, 16:28

Ён таксама падзякаваў за падтрымку жонцы.

Украінскі баксёр Аляксандр Вусік прысвяціў сваёй маці перамогу над брытанцам Тайсанам Ф'юры ў чарговым паядынку.

«Хачу прысвяціць гэтую перамогу сваёй маме, якая шмат гадоў за мяне перажывае і нервуецца. І ўсім маці Украіны», — сказаў Вусік. Ён падзякаваў сваёй жонцы і падкрэсліў, што яна падтрымлівала яго ўвесь час. «Сёння ў мяне шчаслівы дзень, мае сыны атрымалі паясы ў дзюдо. Адзін з іх сказаў мне: «Цяпер твая чарга». Я адказаў ім: «Добра», - прызнаўся Вусік.

Вусік перамог Ф'юры ў паядынку за некалькі тытулаў чэмпіёна свету ў суперцяжкай вазе ў Эр-Рыядзе.

Ф'юры не змог узяць рэванш у Вусіка за паразу ў траўні гэтага года. Украінец тады перамог паасобнай пастановай суддзяў і стаў абсалютным чэмпіёнам свету ў суперцяжкай вазе (звыш 90,71 кг).