На памінальную службу ў Магдэбургу прыйшлі сотні людзей

• 22.12.2024, 19:53

Жыхары горада прыйшлі ўшанаваць памяць ахвяр нападу на калядны кірмаш.

Памінальнае набажэнства па ахвярах атакі на калядны кірмаш Магдэбурга адбылося ў горадзе вечарам у суботу, 21 снежня. Пра гэта паведамляе агенцтва KNA. Раніцай у нядзелю, 22 снежня, некалькі соцень чалавек сабраліся ля лютэранскай царквы св. Яна ў Магдэбургу, паведамляе DW.

Некалькі сотняў чалавек напярэдадні вечарам сабраліся ў лютэранскім Магдэбурскім саборы. Там правялі экуменічнае набажэнства па ахвярах нападу з удзелам пратэстанскага і каталіцкага біскупаў. У храме было шмат працаўнікоў экстраных службаў і ратавальнікаў, якія працавалі на месцы нападу. На службе прысутнічалі прэзідэнт Франк-Вальтэр Штайнмаер, канцлер Олаф Шольц, прэм'ер-міністр Саксоніі - Анхальт Райнер Хазелаф.

Нягледзячы на холад і дождж, сотні людзей назіралі за набажэнствам праз вялікі экран на Саборнай плошчы перад касцёлам. А 19.04, роўна праз 24 гадзіны пасля злачынства, зазванілі ўсе царкоўныя званы горада.

Раніцай у нядзелю, 22 снежня, некалькі соцень чалавек сабраліся ля лютэранскай царквы св. Яна ў Магдэбургу, паведамляе dpa. Гэты храм знаходзіцца за 100 метраў ад плошчы Альтэр Маркт, дзе адбылася атака. Менавіта ля гэтай царквы ўзнік стыхійны мемарыял з кветак, свечак і цацак. Людзі моўчкі стаялі вакол гары кветак, многія плакалі.

Са звестак KNA, у суботу ўвечары ў цэнтры Магдэбурга прайшла і акцыя правых. На ёй сабраліся некалькі соцень чалавек. На іх галоўным плакаце значылася патрабаванне "рээміграцыі".

У выніку атакі на наведвальнікаў каляднага базару ў Магдэбургу загінулі пяцёра, у тым ліку 9-гадовы хлопчык, больш за 200 чалавек параненыя. Зламыснік Талеб А. - 50-гадовы лекар з Савудаўскай Арабіі, які адышоў ад ісламу і пражывае ў Нямеччыне з 2006 гады - затрыманы, суд выдаў ордэр на ягоны арышт. Следчыя не бачаць прыкмет тэракту на глебе ісламізму.