«Азоў» адбіў масаваны штурм расейцаў

• 22.12.2024, 20:37

Вораг атакаваў нават на самакатах.

Вайскоўцы адбілі маштабны штурм расейскіх акупантаў. Вораг страціў машыны, тэхніку і больш за 60 вайскоўцаў.

Пра гэта паведамляе Charter97.org са спасылкай на заяву 12-й брыгады спецыяльнага прызначэння "Азоў" НДУ.

Вайскоўцы патлумачылі, што штодня расейская пяхота спрабуе любымі спосабамі прарвацца ўглыб абароны і замацавацца ў паўразбураных забудовах ці падвалах, схавацца ў пасадках.

За апошнія некалькі месяцаў падчас масаваных штурмаў супраціўнік страціў значную колькасць бранятэхнікі.

«Таму сёння расейцы звяртаюцца да масавага выкарыстання легкавых аўтамабіляў, багі і нават электрасамакатаў. Усе тыпы расейскага транспарту, а таксама іх знішчэнне - зафіксаваныя на відэа», - паведамілі ў «Азове».

Увогуле вядома, што ўкраінскія вайскоўцы знішчылі:

5 адзінак браняванай тэхнікі,

8 адзінак аўтатранспарту,

ліквідавана 63 расейцаў,

тры кінутыя электрасамакаты.