Жыхар Мёрскага раёна лавіў баброў пасткамі, каб карміць сабак

• 23.12.2024, 11:55

Распачатая крымінальная справа.

Мужчына ў Мёрскім раёне незаконна злавіў трох баброў з дапамогай пасткі, адну жывёліну забіў "за псаванне маёмасці", а яшчэ двух - для корму сабакам. Пра гэта паведамілі ў Следчым камітэце.

Са звестак следства, мужчына ўчыніў паляванне на баброў у кастрычніку 2024 года.

62-гадовы паляўнічы на допыце расказаў следчаму, што на першага бабра пачаў паляваць таму, што жывёла выядала лілеі, высаджаныя ў сажалцы каля дома.

"Наступныя пасткі мужчына ўжо ставіў у рацэ з мэтай накарміць сабак", – дадалі ў СК.

У дачыненні да мужчыны распачалі крымінальную справу паводле ч. 4 арт. 282 Крымінальнага кодэкса (Незаконнае паляванне, якое прывяло да прычынення шкоды ў асабліва вялікай суме).