У беларускіх лясах у снежні знайшлі грыбы
- 23.12.2024, 17:05
Беларуска пахвалілася вялікімі баравікамі.
Незвычайнай знаходкай падзялілася ў TikTok адна з карыстальніц. Падчас паездкі ў лес 22 снежня яна знайшла баравікі.
Знаходка здарылася ў Віцебскім раёне паблізу трасы ў Аршанскім кірунку. На відэа патрапілі шэсць грыбоў, у тым ліку даволі вялікіх.
Карыстальніца адзначае, што баравікі змёрзлыя, як камень. Тым не менш, знаходкай яна задаволеная.