Колькі авіякампаній лятаюць праз Беларусь

• 23.12.2024, 20:02

Заходнія авіяперавозчыкі працягваюць байкот беларускага неба.

У 2024 годзе над нашай краінай пачало лятаць больш самалётаў. Пра гэта ў эфіры "Першага інфармацыйнага" распавёў дырэктар Дэпартамента авіяцыі Мінтранса Ігар Голуб.

Авіякампаніі Кітая нарасцілі палёты праз Беларусь у 10 разоў. Казахстана - у 3,5 раза, Аб'яднаных Арабскіх Эміратаў - у 1,3 раза.

Аднавілі палёты над тэрыторыяй нашай краіны самалёты з Азербайджана.

Паводле яго слоў, усяго ў 2024 годзе праз нашу паветраную прастору рэйсы выконваюць 134 авіякампаніі з 30 дзяржаў.