На стадыёне «Дынама» адкрылі калядны кірмаш і каток

• 23.12.2024, 21:54

Відэафакт.

У Менску на адну святочную лакацыю стала больш. На стадыёне "Дынама" ў панядзелак, 23 студзеня, адкрылі калядны кірмаш і каток.

Наведвальнікаў чакаюць гульнявыя пляцоўкі, катанне на паравозіку для самых маленькіх, сувенірныя крамы ад рамеснікаў, фуд-корт з гарачымі напоямі, святочна ўпрыгожаная ялінка і базар, дзе можна купіць святочнае дрэва. І вядома, каток. Ён зроблены з сінтэтычнага матэрыялу, катацца на каньках на ім можна круглы год. Кошт сеансу (уключае арэнду канькоў) - 9 рублёў.

Якія кошты на фудкорце?

Шашлык (свініна, курыца, 100 г) - 7-7,9 рубля.

Блін - 6-11 рублёў.

Трдзельнік - 9-10 рублёў.

Глінтвейн - 5 (дзіцячы) - 8 рублёў дарослы.

Кукуруза з агню - 8 рублёў.

Дранік з падліўкай - 8 рублёў.

Кірмаш, які запусцілі пры падтрымцы Betera, будзе працаваць да 7 студзеня ўключна.