У Ніжнім Ноўгарадзе дрон рэзнуўся ў будынак МУС РФ

• 24.12.2024, 15:54

З’явіліся першыя падрабязнасці.

У Ніжнім Ноўгарадзе РФ БПЛА рэзнуўся ў будынак акадэміі Міністэрства ўнутраных спраў. Як піша «Обозреватель», пра гэта гаворыцца ў расейскіх СМІ. Папярэдне на беспілотніку не было выбуховага прыстасавання.

«Беспілотнік рэзнуўся ў будынак акадэміі МУС у Ніжнім Ноўгарадзе. У выніку здарэння выбуху і ўзгарання не адбылося - папярэдне дрон быў без выбуховага прыстасавання. Са слоў крыніц, курсанты былі эвакуяваныя», - напісана ў паведамленні.

У сваю чаргу іншы расейскі Telegram-канал паведаміў, што на месцы здарэння праходзілі вучэнні. Паводле папярэдніх звестак, адбылася асечка, з-за чаго БПЛА ўпаў на будынак МУС Расеі.

Афіцыйнай інфармацыі пакуль няма.