УСУ паказалі відэа перамогі над акупантамі каля Купянска

• 24.12.2024, 17:58

Бой доўжыўся амаль дзень.

Расейскае войска паспрабавала штурмаваць пазіцыі УСУ каля Купянска скарыстаўшыся дрэнным надвор'ем. Іх спробы былі няўдалымі.

Пра гэта паведамляе РБК-Украіна са спасылкай на Генштаб УСУ.

Паводле звестак Генштаба, учора расейцы, пад прыкрыццём дажджу і смугі, распачалі спробу пашырыць свой плацдарм на левым беразе ракі Аскол, што на Купянскім кірунку.

Механізаваны штурм расейцаў праходзіў у дзве хвалі і доўжыўся амаль увесь дзень. Дзякуючы супольным дзеянням падраздзяленняў Сілаў абароны Украіны варожую атаку адбілі і спалілі тэхніку ворага.

Падчас адбіцця атакі ўкраінскія ваяры падбілі і знішчылі 12 адзінак браняванай тэхнікі, а таксама пяхоту. Знішчаная адна БМП-2 і два танкі, падбітыя восем адзінак БМП-2 і адзін танк акупантаў. Вораг страціў 18 чалавек беззваротна, акрамя таго, 6 акупантаў параненыя.