Эксперт: Расейцы нават не разумеюць, у якую пастку сябе загналі
- 24.12.2024, 18:30
Кітай можа цяпер канчаткова «захопліваць» РФ.
Блакаваннем відэаплатформы YouTube улады Расеі самі загналі сябе ў пастку, бо цяпер адзінай крыніцай вытворчасці кантэнту застаецца TikTok, кантраляваць які яны не могуць. Такім меркаваннем у эфіры тэлеканала FREEДОММіхаіл Кальцоў.
«Яны нават не разумеюць, у якую пастку сябе загналі. Таму што цяпер адзінай крыніцай вытворчасці відэакантэнту застанецца TikTok, які яны не кантралююць. І кітайскія таварышы яго ім заблакаваць не дадуць. У гэтым выпадку можна сказаць, што Кітай можа цяпер канчаткова “захопліваць” РФ», – сказаў Кальцоў.
На ягоную думку, у Расеі разумеюць, што іх прапаганда не працуе і заходняя аўдыторыя для іх страчаная.
«Яны пастанавілі, што заходняя аўдыторыя, як, у прынцыпе, і астатняя, для іх ужо страчаная. Проста таму, што яны ўжо нарабілі такога… Яны ўжо разумеюць, што іхняя прапаганда не працуе. Але самы вялікі "сук", які яны пілавалі, гэта тое, што цяпер яны страцілі поўны кантроль над кантэнтам. У YouTube яны прынамсі маглі яго яшчэ неяк кантраляваць. Цяпер, калі ўсё іх насельніцтва пяройдзе на TikTok альбо падобныя сэрвісы, яны ўжо гэтага не будуць кантраляваць ніякім чынам», – акцэнтаваў спікер.
Што да альтэрнатываў і абыходу абмежаванняў, то, паводле словаў эксперта, самым надзейным варыянтам застаецца якасны VPN.
«Інтэрнэт – гэта інфраструктура. А гэта значыць, што для таго, каб глядзець YouTube, неабходна вельмі добрае разбірацца ў гэтым. Як бы вы ні круціліся, атрымаць доступ можна, толькі карыстаючыся VPN. Іншых спосабаў фактычна няма. З гэтага моманту мы павінны расцэньваць РФ як лічбавы канцлагер. А як і ў любым канцлагеры, толькі пабудова альтэрнатыўнай сістэмы камунікацыі дазваляе вам атрымаць нейкую вестку звонку. І ў гэтым канкрэтным выпадку, я думаю, папулярызацыя інфармацыі пра VPN, разуменне, як менавіта гэта працуе, застаецца адзіным інструментам. Гэта прынцып працы інтэрнэту. Ён у вас альбо ёсць, альбо яго няма. Іншых спосабаў вельмі мала, на жаль», – рэзюмаваў госць эфіру.