«Беларуская выведка»: Лукашэнка ўпаў у ступар ад атрыманай інфармацыі
- 24.12.2024, 20:09
Крэмль плануе ў Беларусі «палацавы пераварот».
Сталі вядомыя некаторыя падрабязнасці стратэгіі выжывання Лукашэнкі, піша тэлеграм-канал «Беларуская выведка».
«Наперадзе будзе маштабная замена і ратацыя найвышэйшых кіроўных кадраў блізкага атачэння. Нас не цікавяць змены ва ўрадзе, бо яны будуць мець дэкаратыўны характар. Тэрміновая замена міністра культуры была неабходная з прычыны ягонай рэпрэсіўнай палітыкі ў дачыненні да беларускай культуры, навязанай агентамі ўплыву Крамля і шэрагам паспяховых актыўных мерапрыемстваў унутры сістэмы дыктатара, арганізаваных з усходу.
Нас цікавіць сілавы кампанент рэжыму як адзіная прылада ўтрымання ўлады. «Змены» адбудуцца адразу пасля «выбараў». Іх мэта – нейтралізаваць непасрэдны ўплыў Крамля на прарасейскія групы, якія склаліся ўнутры сістэмы. Спецыяльная зводная каманда глыбока заканспіраваная ад уласных калег-аналітыкаў і аператыўнікаў-прафесіяналаў доўга працавала над выяўленнем канкрэтных асобаў і групаў. Пра гэта мы неаднаразова раней паведамлялі. Вывучаліся сувязі, міжасобасныя ўзаемадзеянні, патэрны знешніх камунікацый і сістэмаў заахвочвання, створаных Крамлём і СВР/ФСБ. Узровень інфільтрацыі і ўнутрысістэмнага ўплыву падышоў да крытычнай мяжы. Паводле аналітыкі контрвыведных падраздзяленняў, была створаная ўстойлівая група неўзаемазлучаных паміж сабой суб'ектаў, з якімі Масква працавала наўпрост, індывідуальна з кожным, з дапамогай розных метадаў. У расейскую сетку ўплыву ўваходзілі прапагандысты, дэпутаты, партыйныя актывісты і кіраўнікі розных падраздзяленняў сілавога блоку.
У сувязі з пастановай Лукашэнкі аднавіць сваю знешнепалітычную суб'ектнасць Масква занервавалася. У адказ Лукашэнка зрабіў лёгкую зачыстку пятай прарасейскай калоны. Каманда была зрабіць усё «без гвалту, без відавочных слядоў».
Пасля «выбараў» настане час прэвентыўных захадаў, кардынальных крокаў у абясшкоджванні акцёраў патэнцыйнага палацавага перавароту, які плануецца Крамлём у 2026–2027 гадах. Так атрымалася, што ў выніку праведзенай працы некаторыя высокапастаўленыя кіраўнікі выйшлі самі на сябе. Цікава, але ў поле зроку патрапілі ў асноўным пратэжэ Віктара Лукашэнкі. Лукашэнка ўпаў у ступар ад атрыманай інфармацыі. Людзі, якім ён давяраў найважнейшыя кірункі дзесяцігоддзямі, аказаліся тымі, хто знаходзіцца на глыбока заканспіраванай сувязі з Крамлём, альбо рэгулярна падтрымлівае кампраметавальныя сувязі на ўзаемавыгаднай аснове.
Цяпер Лукашэнка перапісвае кадравы план. Пастаноўлена, што ключавыя пасады зоймуць толькі маладыя і крышталёва чыстыя супрацоўнікі, незаўважаныя ў якіх-небудзь кантактах з Масквой. Людзі, якія разглядаюцца на ключавыя пасады, нават у нашай каманды выклікаюць здзіўленне. Мы бачым, што адзіным крытэрам падбору кандыдатаў з'яўляецца адсутнасць кампраметавальных сувязяў з РФ», – піша тэлеграм-канал.