Хрысціяне ў Сірыі выйшлі на пратэсты

• 24.12.2024, 20:12

Пратэстоўцы патрабуюць больш правоў для хрысціянаў.

Хрысціяне выйшлі на пратэсты ў некалькіх раёнах Дамаска на знак пратэсту супраць спалення каляднай ялінкі недалёка ад горада Хама на захадзе Сірыі. Пра гэта паведамляе The Guardian.

Пратэстоўцы патрабуюць больш правоў для хрысціянаў, піша выданне. Акцыі пачаліся пасля публікацыі ў сацсетках відэа, дзе людзі ў каптурах падпальваюць калядную ялінку ў горадзе недалёка ад Хамы.

Лідар новых сірыйскіх уладаў – кіраўнік групоўкі «Хаят Тахрыр аш-Шам» Абу Мухамед аль-Джулані (сапраўднае імя – Ахмед аль-Шараа) апублікаваў відэа, дзе паабяцаў пакараць тых, хто падпаліў каляднае дрэва, і паставіць новую ялінку.