Кіроўца памёр за рулём, калі ехаў па МКАД

• 25.12.2024, 13:10

60-гадоваму менчуку стала блага.

Позна вечарам 24 снежня на МКАД здарылася аварыя. Volkswagen у раёне першага кіламетра сутыкнуўся з дарожнай агароджай, паведамляе УДАІ ГУУС Менгарвыканкама.

На месцы аварыі працавалі супрацоўнікі ДАІ і следча-аператыўная група.

Спачатку была версія, што кіроўцу стала дрэнна, чаму ён не справіўся з кіраваннем. Пазней з'явілася меркаванне, што 60-гадовы мужчына памёр падчас руху аўто.

ДАІ нагадвае, што кіраваць аўтамабілем у хворым або стомленым стане, які ставіць пад пагрозу бяспеку дарожнага руху, забаронена.