Навукоўцы: Футбол прадэманстраваў неймаверную эвалюцыю

• 25.12.2024, 14:12

За апошнія дзесяцігоддзі гульня як у мужчынаў, так і ў жанчынаў стала больш хуткай, складанай і патрабавальнай.

Футбол, асабліва на ўзроўні фіналаў чэмпіянатаў свету FIFA, прадэманстраваў неймаверную эвалюцыю. Апублікаванае ў канцы 2024 года ў International Journal of Performance Analysis in Sport даследаванне паказала: за апошнія дзесяцігоддзі гульня як у мужчынў, так і ў жанчынаў стала больш хуткай, складанай і патрабавальнай, піша Techinsider.

Прафесар Кевін Нортан з UNSW Sydney, Аўстралія, прааналізаваў 24 фінальныя матчы чэмпіянатаў свету, выявіўшы ключавыя змены ў хуткасці гульні, стратэгіі перадачаў і агульным узроўні інтэнсіўнасці.

Як змяніліся футбалісты з XX стагоддзі

Новы аналіз ахапіў 15 мужчынскіх і 9 жаночых фіналаў чэмпіянатаў свету.

Даследаванне выявіла, што хуткасць руху мяча ў абодвух выпадках павялічваецца. Пры гэтым у жанчынаў паказнік расце хутчэй, чым у мужчынаў.

Таксама расце адсотак часу для паўзаў у гульні. Гэта, як мяркуе прафесар Кевін Нортан, дапамагае гульцам аднаўляцца і падтрымліваць высокі тэмп гульні.

Між тым перадачы сталі асноўным інструментам стратэгій розных камандаў. Сучасныя футбалісты павінны валодаць не толькі хуткасцю, але і здольнасцю прымаць імгненныя пастановы ва ўмовах шчыльнай абароны, – адзначылі навукоўцы з Аўстраліі.

Здольнасць прымаць імгненныя пастановы патрабуе выключных навыкаў валодання мячом і дакладнасці пасаў нават на высокай хуткасці.

Як правялі даследаванне:

Прафесар Нортан прагледзеў гістарычныя відэазапісы з дапамогай кампутарнай тэхналогіі для адсочвання і колькаснай адзнакі заканамернасцяў сярод гульцоў, выкарыстоўваючы «рэтраспектыўны карэляцыйны дызайн».

Паведамляецца, што новае даследаванне заснаванае на папярэднім аналізе прафесара Нортана фінальных гульняў мужчынскіх чэмпіянатаў свету ў футболе ў 1966–2010 гадах.

Жанчыны ў футболе

Паказнікі перадачы мяча ў жаночым футболе набліжаюцца да мужчынскіх, што адлюстроўвае рост прафесіяналізму і трэніровачных стандартаў у жаночых камандах, – падкрэслівае прафесар Кевін Нортан.

Так, асаблівую ўвагу ў новым даследаванні аддалі эвалюцыі жаночага футболу. Раней недаацэнены, сёння жаночы футбол дэманструе імклівае развіццё: тактыка, інтэнсіўнасць і стыль гульні жанчынаў становяцца падобнымі да мужчынскіх.

Заходнія спецыялісты заўважаюць: прафесіяналізацыя жаночага футболу ідзе па паспяховым шляху, дазваляючы гульцам розных палоў станавіцца больш хуткімі і тэхнічна мацнейшымі.

Тым не менш рост інтэнсіўнасці нясе ў сабе не толькі перавагі.