Да +5 чакаецца ў Беларусі 26 снежня

• 25.12.2024, 19:53

Будзе пераважаць воблачнае надвор'е.

26 снежня ў Беларусі будзе сярэдні вецер і галалёдзіца. Пра гэта паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У чацвер у краіне будзе пераважна воблачнае надвор'е. У многіх раёнах Беларусі пройдуць невялікія ападкі (мокры снег, дождж). Месцамі будуць туман, галалёд, на дарогах галалёдзіца. Вецер чакаецца паўднёва-заходні, заходні сярэдні.

Тэмпература паветра ўначы складзе ад мінус 5 да плюс 1 градуса, а ўдзень ад мінус 1 да плюс 5 градусаў.