Спецпрадстаўнік Трампа аб Украіне адрэагаваў на масаваны ўдар РФ на Каляды

• 25.12.2024, 20:02

Кіт Келаг уважліва сочыць за дзеяннямі РФ.

Расейскі масаваны абстрэл Украіны на Каляды з'яўляецца жорсткім нападам.

Пра гэта ў сацсетцы X напісаў Кіт Келаг, якога абраны прэзідэнт ЗША намінаваў на пасаду спецпрадстаўніка аб Украіне.

«Каляды павінны быць часам міру, аднак Украіна зазнала жорсткі напад на Каляды. Наносіць маштабныя ракетныя ўдары і атакі з дапамогай беспілотнікаў у дзень нараджэння Госпада - гэта няправільна», - падкрэсліў Келаг.

Ён дадаў, што ўвесь свет уважліва сочыць за дзеяннямі Расеі і Украіны. Пры гэтым ЗША рашуча настроены на ўстанаўленне міру ў рэгіёне.