На вуліцах Менска з'явіліся людзі ў святлоадбівальных камізэльках

• 26.12.2024, 10:52

Яны назіраюць за плынню аўтамабіляў і нешта запісваюць.

На некаторых дарогах Менска з'явіліся людзі ў святлоадбівальных камізэльках, якія назіраюць за плынню аўтамабіляў і нешта запісваюць. Навошта?

Як высветлілася, супрацоўнікі РУП "Белдарцэнтра" прыступілі да выканання работ для ўліку інтэнсіўнасці руху і складу транспартнага патоку. Заказчыкам гэтых работ з'яўляюцца дарожныя прадпрыемствы Менска.

Як паведамілі ў "Белдарцэнтры", па выніках работ заказчыкам будуць пададзеныя звесткі аб сярэднедзённай інтэнсіўнасці руху для вызначэння норм размеркавання хларыду натрыю (NaCl), які выкарыстоўваецца для прафілактычнай апрацоўкі і ліквідацыі зімовай слізкасці.

Норма размеркавання NaCl разлічваецца ў залежнасці ад тэмпературы паветра і інтэнсіўнасці руху. Такім чынам, разлікі "Белдарцэнтра" дапамогуць выбраць аптымальную колькасць супрацьгалалёдных матэрыялаў.